Ouled berhil press - أولاد برحيل بريس 24 جريدة إلكترونية مغربية Ouled berhil press - أولاد برحيل بريس 24 جريدة إلكترونية مغربية
آخر الأخبار

آخر الأخبار

آخر الأخبار
آخر الأخبار
جاري التحميل ...

وحدة راكبة فوق واحد ناضت عليهم الروينة والزفزافي قال وسط المحكمة بلي خشاو ليه عصا كولشي دار راسو مسمعش‎

وحدة راكبة فوق واحد ناضت عليهم الروينة والزفزافي قال وسط المحكمة بلي خشاو ليه عصا كولشي دار راسو مسمعش‎

فالعالم المتحضر عادي جدا أي كوبل يكون عندهم سيكستايب ديالهم ، وكاين گاع لي كيحطوه فالأنترنيت بخاطرهم ، كيتشاركو مع ناس خرين لحظات حميمة ديالهم لي معندهمش فيها الموشكيل أنهم يتشاركوها ، وطبعا الأمر مكيكون لا فضيحة مكيدير حتى ضجة ومكيخلقش البوز ، والأمر مكيأترش على المكانة الإجتماعية ديالهم ، هنا فالمغرب ممفروقين مع الدول الغارقة فالتخلف بوالو ، تصويرة لبوسة بين مراهقين وصلاتهم للحبس فالناظور ، وبزاف ديال الناس لي تسربوا ليهم فيديوات جنسية ديالهم ودخلو للحبس ، علما أنه كانت ممارسة رضائية بين جوج ومصورين راسهم ضاحكين ناشطين ، حتى كتلقى المغرب كامل مقلوب كيهدر على الفيديو ، وحتى داك ولد خالتك لي سنوات مشركتي معاه السلام ، كيدخل عندك للواتساب يسول على الفيديو .

المهزلة الكبيرة هي ملي كتسمع راه كيقلبو عليهم البوليس أو راه شدوهم ، وقبل ماكيتشدو كيكونوا تشوهوا قدام الناس وفقدوا مكانتهم الإجتماعية ( في حالة وجدت فبعض الحالات)، وهادشي كامل كيوقع لجوج إلى مارسو الجنس بيناتهم بالتوافق، فعل طبيعي عادي فأغلب بقاع العالم وبيه باش وصلنا لسبعة ديال المليار ، كيجي حتى للمغرب وكيول جريمة غير حيث تمارس بعلانية نوعا ما ، طبعا ماشي غير المغرب لي فيه هادشي كاين حتى دول خرى ولي القاسم المشترك بيناتها هو محاربة الحريات الفردية ، ودخول السلطة والمواطنين فسوق الأفراد ، ورسم قالب معين للفرد كيفاش خاصو يكون إن هو خرج عليه مباشرة كيولي مجرم فحق الجماعة والقانون.

جوج ديال الناس كيحرثوا الفول بيناتهم وراشقاليهم وضاحكين وفرحانين ، فيناهي الجريمة هنا سواء دارو لايف مباشر ولا حطوه فيديو مسجل ، علاش تاتنوض عليهم هاد الضجة كاملة وتقرى بلي كيقلب عليهم البوليس ، بينما الزفزافي قاليهم وسط المحكمة بلي خشاو ليه عصا وهو ماباغيش ، وبنادم دار راسو بحال الى ماسمع والو ، ولحد الآن ماتفنح ل اتحقيق فهاد الهدرة لا والو ، نعرفو بعدا غير واش الزفزافي كذاب ولا لي شدوه داروها ، هادشي لي خاصو يدير الضجة بصح وهنا فين خاص يتفتح تحقيق ، ماشي فوحدة راكبة على واحد .

عن الكاتب

برحيل بريس BerhilPress

التعليقات


جميع الحقوق محفوظة

Ouled berhil press - أولاد برحيل بريس 24 جريدة إلكترونية مغربية